Sábese que los yerbicíes con glifosatu son potencialmente peligrosos pa la salú humana ya’l mediu ambiente, pero’l Conceyu de Carreño sigue utilizándolos
Los vecinos entamaron dos recoyíes de robles, al traviés de change.org y d’avaaz.org; amás, la C.E.A. presentó un escritu al Conceyu de Carreño desixendo que se detenga l’usu d’estes yerbicíes.
El glifosatu ye’l principal componente de la yerbicida nomada Roundup, desendolcáu por Monsanto ya escoyíu pol consistoriu como’l mediu más baratu y eficaz p’acabar coles meruxes. Sicasí, la población nun ta d’alcuerdu col usu d’esta sustanza, declarada como tósica y canceríxena, teniendo efectos indeseyaos nes persones ya’l mediu ambiente. Pente los efeutos adversos d’esti principiu activu describiéronse tosicidá subaguda y crónica, daños xenéticos, trestornos reproductivos, aumentu de la frecuencia d’anomalíes espermátiques y carcinoxénesis. Amás, cada preparáu yerbicida que contien glifosatu vien acompañáu d’otres sustancies que faciliten la so absorción y que multipliquen la so tosicidá, como’l N-nitrosu glifosatu que ya’l formaldehidu.
Anque son numberoses les organizaciones qu’alvierten contra esti productu, pente elles la OMS y Greenpeace, son millones les hectárees de qu’entá se rocíen con Roundup cada añu pa matar les llamaes “meruxes”. De fechu ye un de los productos estrella de la llínea de yerbicíes de Monsanto, xenerando cuantiosos beneficios económicos que llevaron a la empresa a cuestionar l’informe de la Organización Mundial de la Salú.
Llucía Fernández Marqués
This work is licensed under a Creative Commons Attribution 4.0 International License.
