Fálame, un nuéu programa n’asturianu pa la reciella, entamará emitise de magar el 23 d’abril nes mañanes del domingu, con redifusión el sábadu siguiente

Llucía Fernández Marqués

La programación n’asturianu ye una demanda continua que los asturianos vienen faciendo a la TPA, siendo especialmente reclamada una programación infantil asturiana de calidá, n’horarios afayaizos.

Les anteriores tentatives nesti sen – Los Bolechas ya El  d’Illán- tuvieron bona acoyida , pesi a los abegosos horarios d’emisión , qu’obligaben a les families a madrugar los sábados pa ver los episodios, y son munchos los neños qu’entá  los siguen a traviés de youtube.

Nesti casu trátase d’un programa con enfotu didáuticu-llingüísticu, siendo’l so oxetivu esparder conocimientos llingüísticos d’asturianu, tanto gramaticales como de vocabulariu en 26 capítulos de 30 menutos caún.

Seique esta seya una bona noticia pa los asturfalantes, la normalización de la nuesa llingua na televisión pasa pol usu del asturianu como llingua vehicular pa toles emisiones televisives, dexando de ser la esceición y tratando conteníos que nun se reduzan a Asturies y la so llingua.

This work is licensed under a Creative Commons Attribution 4.0 International License.