Somos Mieres  acusa a IX d’aprovechase del so trabayu ya intentar sacar réditu políticu de la so bandera mientres que dende IX  esclarien que tan solo pretendíen visibilizar al colectivu trans, una y bones eso yera lo que se celebraba esi díe

Llucía Fernández Marqués

La bandera de la discordia foi fecha por miembros de Somos Mieres col enfotu de que fuera utilizada pa ser colgada na Casa Conceyu’l  día internacional de la visibilidá de les persones transesuales, 31 de marzu “Esta decisión foi motivada, pola poca previsión que l’equipu de gobiernu tien nesti tipu de temes y que nun s’atoparen el vienres ensin bandera p’asitiar na fachada del Conceyu de Mieres” espliquen dende la organización.

El motivu de disputa apaez cuando dos de los conceyales d’Izquierda Xunida, Delia Campumanes y Juan Antonio Ponte, espublizen na páxina Facebook del so partíu una semeya cola citada bandera. Dicha semeya entá sigue colgada, seique comparte’l so espaciu con otres nes que se ve solamente la fachada de la Casa Conceyu, “Cierto ye que la bandera asitiada foi una que Somos Mieres tenía, pero como bien representa’l díe del allugamientu d’esta, ye’l día de la visibilidá de les persones trans y eso ye lo único que pretendemos dende IX” esclarien dende esta organización política. Recordemos qu’el Aytu de Mieres declaróse conceyu llibre de Transfobia,  moción que foi aprobada nel Plenu, onde IX tien mayoría absoluta.

This work is licensed under a Creative Commons Attribution 4.0 International License.