Ún de los mayores críticos lliterarios del réxime español de la Primer Restauración

Tres el zarru del 2016, nel que se cumplieron 80 años del fallecimientu de Ramón del Valle-Inclán, y con eso la lliberación de los derechos d’autor en rellación a la so obra, la Biblioteca Castro y la Cátedra Valle-Inclán de la Universidá de Santiago consideraron que yera una bona ocasión pa reaxuntar y espublizar tolos escritos d’esti gallegu tresplantáu a Madrid.

Valle-Inclán, señardosu nos sos entamos de la sociedá precapitalista y defensor nos sos finales de la revolución proletaria, n’obres como El Ruedu Ibéricu realizó una fonda crítica del Reinu d’España como un Estáu corruptu y autoritariu en tola so estructura política, dende los Ayuntamientos hasta la Corte, incluyendo les xerarquíes militares y eclesiástiques.

Los editores nesta ocasión optaron pola decisión ensin precedentes d’escoyer la editio princeps, cola esceición de Xardín Avesíu y El Ruedu Ibéricu, col fin d’amosar los testos orixinales nel contestu estéticu-estilísticu en que nacieron. Pel momentu publicáronse tres tomos y tan previstos otros dos más.

This work is licensed under a Creative Commons Attribution 4.0 International License.