Xuiciu na Audiencia Nacional de Madrid por unos chistes sobre Carrero Blanco

La Fiscalía española solicitaba pa Casandra Vera, una moza murciana de 21 años, estudiante d’Hestoria, una pena de dos años y seis meses de cárcele, y ocho años y mediu d’inhabilitación absoluta, por 13 mensaxes que espublizó nel so perfil de Twitter sobre Carrero Blanco. Más alantre nes sos conclusiones finales el fiscal rebaxó’l pidimientu a un añu de cárcele y siete de inhabilitación absoluta, nun dexando d’insistir nel supuestu conteníu de “despreciu y descréditu pa les víctimes del terrorismu” de los mensaxes.

A lo llargo del so interrogatoriu como acusada, desendolcau na Sección Cuarta de la Sala de lo Penal, Casandra Vera esplicó que namás taba faciendo humor absurdu entemeciendo distintos fechos hestóricos.

This work is licensed under a Creative Commons Attribution 4.0 International License.