La institución reclama una Llei que desendolque’l so estatus xurídicu

L’Academia de la Llingua Asturiana ye un organismu públicu creáu nel so momentu pol Gobiernu preautonómicu (Conseyu Rexonal d’Asturies), sicasí na partida presupuestaria de 2017 foi tratada como una entidá privada, al recibir la so asignación económica añal baxo la forma d’una subvención.

Dende siempres foi’l Gobiernu autonómicu quien se responsabilizaba directamente tanto del contratu d’arriendu de la sede de la ALlA, asitiada nos caberos años nel monasteriu de Les Pelayes (Uviéu), como d’otros gastos asemeyaos.

Ana Cano, presidenta de la ALlA, alvirtió públicamente que nun va roblar nengún contratu d’arrendamientu. Igualmente señaló que foi citada pol Gobiernu de la FSA a un aconceyamientu dientro de 15 díes col envís de tratar esta situación.

This work is licensed under a Creative Commons Attribution 4.0 International License.