Concentración de sofitu a les trabayadores de les cafeteríes del Campus de Viesques

  • 16 Febreru, 2017

Les trabayaores lleven yá 29 díes de fuelga indefinida reclamando unes condiciones llaborales dignes

Na movilización d’esta mañana delantre  l’Aulariu de Viesques les trabayaores insistieron na so demanda de que Dindurra Servicios abandone darréu la xestión de dambes cafeteríes, yá qu’anque la Universidá  d’Uviéu yá entamó los trámites de rescisión de la llicitación concedía, nun tán dispuestes a volver a los sos puestos mientres nun haya un cambéu de xestión.

El Comité de Fuelga reclama a la empresa pol impagu de tres meses de salarios (Payares, Avientu, y la paga estra d’Avientu), incumpliendo’l compromisu que la empresa adoptó na xunta celebrada nel SASEC el pasáu 1 d’avientu de pagar puntualmente los salarios de les trabayaores ente los díes 1 y 5 de cada mes, tal como establez el Conveniu Colectivu d’Hostelería en Asturies.

Amás, denuncien la esistencia d’un fuerte acosu por parte de la empresa a les trabayaores, los costantes vexames, berros y humildaciones por parte de la patronal son tales que llevaron a delles de les trabayadores a solicitar la baxa llaboral por ansiedá y depresión.

Nesta situación decidiéronse a faer indefinida la so fuelga, llevando yá un mes de protestes ensin que se vea intención d’atopar soluciones per parte de Dindurra  Servicios, axudicataria hasta’l momentu de les cafeteríes de la escuela de Marina y del Aulariu de Viesques. Les trabayadores acusen al empresariu de mala fe, al negase a tratar  los puntos sobre los que se basa la fuelga y contratando, per otru llau, nuevu personal pa sustituyir a les fuelguistes.

El d’estes trabayaores ye un más de los conflictos recientes na estaya d’hostelería en Xixón: los emplegaos de la Cafetería Lautrec, los del Restaurante Hong Kong y los de la Cafetería del Grupu Covadonga son dalgunos de los protagonistes de les caberes protestes.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies