Ganadería Cabrero

  • 13 Febreru, 2017

David Castañón. www.lesfartures.com

Hai casi 6 años, Jose Manuel Suárez, propietariu de la ganadería Cabrero, mercó 8 gües, entemeciendo de raza Casina y Asturiana de los Valles. L’amiestu les dos races tien una razón, la raza Casina da una calidá suprema a la carne pero’l so tamañu da poca carne, polo que se crucien con Asturiana de los Valles qu’apurre volume al güe.

Agora cunta con 56 y la so idea ye siguir ampliando hasta llegar a los 100, adulces. Esta ye la primer ganadería que lo fai a una escala mayor, y empobináu a ufiertar la meyor carne posible nel restorán. Agora, podemos esfrutar d’una carne de güe 100% real, y amás, 100% raza autóctona asturiana. Por fin esplotamos una de la meyores carnes del mundu nós mesmos.

Jose Manuel cuntónos que’l güe ha de tener 5 años polo menos antes de sacrificalo, y que suel capalos a partir d’añu y mediu pa que nun quede con “tiesta de vaca”, anque namás ye dalgo estéticu. Comen ente 10 y 12 quilos de veza al día, pueden algamar los 1300 quilos de los que valen pa carne namás una tercer parte y amás, que nun tien nenguna subvención del Principáu.

Tola carne d’esta Ganadería va vendese nel Llagar de Colloto, y avisu importante: la carne ta disponible en carta, pero si queréis comer un chuletón habéis d’encargalo antes pa garantizar que tea en perfectes condiciones (la maduración óptima de la carne ye d’hasta 90 díes).

Los precios nun son baratos, Cecina (25€/kg), Callos (18€), Hamburguesa (18€), Chuletón Parte Baxa (95€/kg), Parte Alta (110€/kg), Cabecera (90€/kg) y Sollombu de Güe (180€/kg), pero son precios a los que táis avezaos si visitáis cualquier templu onde sirvan carne verdadero de güe. Recuérdovos qu’el chuletón ye por encargu.

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies