-
El TSXA confirma la perda del paru d’una muyer que permaneció unos 70 díes en Rumanía ensin comunicalo al SEPE
La sentencia confirma la estinción de la prestación y la devolución de 1.328,57 euros. El tribunal acepta que’l viaxe inicial pola enfermedá de la madre podía tar xustificáu, pero considera determinante que la beneficiaria permaneciera fuera d’España ensin comunicar la salida nin solicitar autorización al SEPE. -
La privatización sanitaria medró un 95,8% n’Asturies dende 2014, según la FADSP
El XII informe de la Federación de Asociaciones para la Defensa de la Sanidad Pública asitia Asturies con 22 puntos sobre 34 nel so índiz de privatización, al nivel d’Euskadi y per debaxo de Madrid, Baleares, Cataluña y Canarias. Lo que destaca’l documentu nel casu asturianu ye la evolución: un aumentu del 95,8% dende 2014 y una aceleración nos últimos trés años. -
Les families de víctimes llaborales reclamen que les ayudes nun dexen fuera casos anteriores a 2025
El colectivu valora que’l Principáu tramite ayudes de hasta 72.000 euros pa families de persones fallecíes nel trabayu, pero pide criterios claros pa los accidentes anteriores al 1 de xineru de 2025. Reclama definir qué se considera un casu xudicializáu, cómo se mide la vulnerabilidá y qué compatibilidá va haber con indemnizaciones y seguros. -
El TSXA obliga a recuperar l’ambulancia del Aeropuertu d’Asturies y a readmitir a diez trabayadores
La Sala de lo Social desestima’l recursu d’Aena contra la sentencia d’Avilés que mandaba reponer l’ambulancia de soporte vital básicu y readmitir a diez persones despidíes. La resolución entá puede recurrise en casación pa unificación de doctrina. -
Los retrasos del programa VAC ponen l’emplegu de Trubia contra’l reló
CCOO alerta de que la Fábrica d’Armes de Trubia puede entrar en subactividá a partir d’avientu si Defensa nun activa yá’l programa VAC, axudicáu en xineru. El Principáu tresllada tranquilidá, pero reconoce que los retrasos nun pueden prorrogase indefinidamente. -
La protesta pola vivienda avanza hacia una revindicación más amplia de salarios dignos y drechos sociales
Lo qu’entamó como una movilización contra los alquileres desbocaos, los desfiucios y les dificultaes p’acceder a una vivienda digna ta convirtiéndose nun conflictu social de mayor algame. La llamada a una fuelga xeneral incorpora una revindicación más amplia: salarios que permitan vivir, nun contestu de creciente malestar pola fienda ente quienes acumulen riqueza y quienes […] -
Prescripción enfermera n’Asturies: entamu parcial cinco años dempués
La llamada prescripción enfermera empezó a aplicase n’atención primaria pa determinaos pacientes con ostomíes, quemadures y firíes. El Colexu d’Enfermería y SATSE celebren l’entamu, pero recuerden que les profesionales tán acreditaes dende 2021 y reclamen aplicar les diez guíes estatales y estender la midida a los hospitales. -
Diálisis de Cangas del Narcea: treslláu temporal a Uviéu
El Sespa reorganizó temporalmente la diálisis del Hospital Carmen y Severo Ochoa al detectar una incidencia nel sistema de tratamientu d’agua. Los pacientes van ser atendíos nel HUCA y nel centru de diálisis de Cruz Roja d’Uviéu mientres Cangas incorpora tres equipos portátiles. -
Los sindicatos denuncien que’l Principáu tien bloquiaes más de 150 places de la OPE de la Universidá d’Uviéu
ISA, SIPU, CCOO, CSIF y UGT denuncien de manera conxunta que la Universidá lleva meses esperando l’autorización del Principáu pa publicar más de 150 places de catedráticos, titulares y profesoráu permanente llaboral de la OPE de 2025. Tamién reclamen el decretu de complementos retributivos acordáu en 2025. -
2.649 persones quieren yá una plaza residencial mentanto la dependencia tarda 372 díes de media
La Conseyería de Drechos Sociales cifra en 2.649 les persones que quieren acceder de manera inmediata a una plaza residencial. Al empar, el tiempu mediu pa recibir una resolución o ayuda de dependencia ta en 372 díes, más del doble del plazu llegal de 180.
Sigue InfoAsturies
Recibi les noticies por RSS nel to llector de feeds, ensin dar el corréu.
Col sofitu de la Conseyería de Cultura, Política Llingüística y Turismu
