El Festival Intercélticu de Lorient —An Oriant— nun se define namái pola música, seique tamién pola convivencia ente cultures y llingües diferentes. L’ambiente de multinacionalidá y interceltismu ye seña d’identidá d’esti festival que ca añu acueye a miles de presones de les 8 naciones celtes. Nun alcuentru internacional d’estes carauterístiques, la comunicación forma parte esencial de la esperiencia, tantu pa les dellegaciones participantes como pal públicu.
Demientres el festival, un equipu de 32 intérpretes y tornaores encárgase de facilitar esa comunicación cuandu l’entendimientu espontaneu yá nun ye abondu. Coordinaos por profesionales y col sofitu de voluntarios, trabayen principalmente n’inglés, francés, español y bretón, y afáyense a les necesidaes de les destremaes dellegaciones.
Sicasí, nun toos son intérpretes profesionales. Muchos proceden d’ámbitos como la educación, el turismu, el comerciu internacional o la cultura y empleguen da wzu otres llingues na so vida profesional. El festival alxunta d’esta miente un equipu mui estable, con persones que participen dende finales del sieglu XX y que fueron perfeccionando’l so conocimientu llingüísticu al traviés del contautu direutu con gallegos, escoceses, córnicos y representantes d’otres comunidaes participantes.
El so trabayu va munchu acullá d’una torna puntual. Ca intérprete queda venceyáu durante’l festival a una dellegación concreta y da apoyu en presentaciones sobre l’escenariu, tornes en tiempu real, reuniones, cites de calter organizativu o mesmu necesidaes méliques. Esa convivencia continuada permite tamién conocer de primer man les particularidaes llingüístiques y culturales de ca territoriu.
L’intercambiu d’idiomes tuvo amás una presencia específica nel Espaciu Solidariu del Festival Intercélticu de Lorient, onde se muerganizaron actividaes de deprendizax y divulgación dedicaes a les llingües de les dixebraes naciones y territorios célticos. Ellí desendolcáronse cursos y sesiones d’averamientu al bretón, galló, galés, asturianu, manés, gallegu, córnicu, gaélicu escocés y gaélicu irlandés.
Estes iniciatives dieron a les llingües un protagonismu arriendes del so usu como simple ferramienta de comunicación. Sirvieron tamién pa esplicar la so realidá sociollingüística actual, averar el so soníu y les sos particularidaes al públicu y reforzar la idea de que’l padremuñu llingüísticu constitúi una parte fundamental de la diversidá cultural representada n’An Oriant. Esa dimensión práutica convierte’l propiu festival nun espaciu de conocencia y deprendizax informal y permanente.
Nun alcuentru encadarmáu alrodiu de distintes identidaes culturales, el multillingüismu tórnase asina nuna de les ferramientes que faen posible la convivencia y l’aprendizaxe orgánicu.
This work is licensed under a Creative Commons Attribution 4.0 International License.
