La dellegación asturiana va amosar una identidá atlántica na que la música, el paisaxe, la gastronomía y la cultura sidrera formen parte d’un mesmu padremuñu y cultura.
La participación asturiana nel Festival Intercélticu de Lorient va sirvir p’amosar una cultura que va más allá de los escenarios. Xuntu cola gaita, la tonada y el baille tradicional, la sidra representa ún de los principales venceyos d’Asturies col paisaxe, la vida comunitaria y los territorios d’aniciu celta.
El pumar, el llagar, la espicha y el ritual d’echar la sidre formen parte d’una identidá que caltién puntos d’alcuentru con Bretaña y Cornualles, territoriu protagonista de la edición de 2026. Sicasí’l programa oficial nun recueye una actividá específica dedicada a la sidre asturiano, esta constitúi una referencia fundamental na imaxe cultural qu’Asturies proyeuta nel esterior y forma parte de la representación istitucional de ca añu.
La delegación va tar formada por unes 150 persones. Van participar la Banda de Gaites El Gumial, el Grupu Etnográficu L’Oriente-Llacín, Rubén Alba, Llevólu’l Sumiciu, Herbamora, Ferla Megía, Entós, Rellume y La Tarabica.
Iñaki Sánchez Santianes va actuar xuntu a Shaun Davey y la Orquesta del Festival. Alicia Villanueva Megido, Esteban Verdeja Martínez y Néstor Díaz González van representar la canción asturiana, mentanto que Diego Lobo Tuñón, Pelayo Cordero, Pelayo Suárez y Nel Cortizo van competir nel Troféu MacCrimmon. Francisco López Delgado y Eduardo Llosa van participar como xuraos.
La presencia va completase cola película ‘Muyeres’, de Marta Lallana, y una esposición de Luis Feás. Música, llingua, cine, paisaxe y sidre van ufiertar asina una imaxe amplia de la cultura asturiana.
This work is licensed under a Creative Commons Attribution 4.0 International License.
