La plataforma Asturies pola Paz convoca un manifestamientu n’Uviéu pal próximu domingu 18 d’abril baxo’l llema “Non a la guerra”, nuna movilización contra la escalada bélica y les polítiques militaristes

La protesta antibelicista tuvo tamién na xinta na cai d’Avilés

La convocatoria ta prevista pa les 18:00 hores, con salida dende la estación de Renfe de la capital asturiana. La organización fai un llamamientu a la ciudadanía pa sumase a esta protesta en defensa de la paz y contra la guerra.

Baxo’l llema principal, la manifestación incorpora tamién otros mensaxes como’l refugu al imperialismu, al fascismu, al xenocidiu y a la OTAN, nuna clara reivindicación pacifista y antimilitarista.

Dende Asturies pola Paz señalen que la movilización busca visibilizar la refuga social a los conflictos armaos y reclamar una salida basada nel diálogu, la cooperación y la xusticia internacional. Amás, critiquen l’aumentu del gastu militar y la prioridá d’estes polítiques frente a otros ámbitos sociales.

El manifestamientu d’esti domingu forma parte de les aiciones que la plataforma vien impulsando n’Asturies pa fomentar una cultura de paz y promover el debate públicu sobre’l contestu internacional actual.

This work is licensed under a Creative Commons Attribution 4.0 International License.