Asturies lleva lluz a Cuba

  • 20/02/2026
Operariu instalando paneles solares

Asturies respuende al bloquéu estauxuniense unviando a la islla equipos de carga alimentaos con enerxía solar, colos que dar rempuesta a los apagones y a les dificultaes d’accesu a suministros básicos que carez el país caribeñu

La midida pretende mitigar les dificultaes derivaes del recrudecimientu del bloqueu económicu que afecta a la isla, onde l’actual situación enerxética ta provocando cortes xeneralizaos de suministru eléctricu, con impactu direutu nel furrulamientu de servicios públicos esenciales como’l tresporte, los centros educativos o los hospitales. 

L’ayuda inclúi, amás del material, acciones d’“acompañamientu” institucional y “tresferencia de conocimientu” pa sofitar la Estratexa de Desendolcu Provincial de La Habana, en collaboración cola Universidá de La Habana. El proyectu pon l’accentu na movilidá caltenible, la formación y la autosuficiencia enerxética, especialmente en zones rurales y periurbanes.

La iniciativa presentada forma parte d’un fluxu de collaboración pública ente Asturies y Cuba que se mantién dende hai décades. Dende 2007, el gobiernu d’Asturies destinó cerca de 1,9 millones d’euros a programes d’apoyu dirixíos a la población cubana y, de manera específica, a la colectividá d’asturianos residentes na islla. 

L’envíu de los equipos solares ta previstu pa les próximes selmanes y va canalizase al traviés de les estructures de collaboración y cooperación yá esistentes ente Asturies y les instituciones cubanes.

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies