Escesu d’hores nes xornaes llaborales, necesidá de reforcial l’atención primaria ya’l reconocimientu de les carauterístiques del so oficiu nun Plan Marcu son les principales revindicaciones del personal sanitariu en fuelga
Asturies vivió ayeri una movilización del personal mélicu, que salió a revindicar los sos drechos pel centru d’Uviéu nel marco de la tercera xornada de la fuelga na sanidá convocada del 9 al 12 de diciembre pa reclamar meyores condicions llaborales y un Estatutu Marcu que reconoza les particularidaes del so trabayu.
La marcha anició a les 17.00 hores na plaza d’España y remató na plaza La Escandalera, entonando llemes como “nun ye vocación, ye esplotación”, «hora trabayada, hora cotizada» y «mélicu cansáu, paciente maltratáu».
Un de los puntos centrales de la revindicación centráse nel escesu de xornaes llaborales que, según representantes de la Plataforma, pueden algamar les 80 o 90 hores l, amás de la falta de reconocimientu de les guardies como tiempu de trabayu que cotice pa la xubilación. Piden, entá más, que s’aplique un coeficiente reductor que permita llograr una xubilación anticipada pola carga asistencial que soporten.
Nesta llucha, tamién se reclama una negocición específica pa los mélicos nel nuevu Estatutu Marcu plantegáu pol Ministeriu de Sanidá, que’l colectivu considera poco axeitáu pa reconocer la singularidá y les responsibilities del oficiu. Darréu d’esta movilización, les revindicaciones tamién ponen la mira na necesidá de reforzar l’Atención Primaria n’Asturies, onde los profesionales denuncien axendes sobrecargaes de pacientes y falta de medios pa garantir una atención de calidá.
La protesta, convocada pola Plataforma Médicos del Sespa y respaldada pol Sindicatu Médicu Profesional d’Asturies (Simpa), coincide cola tercera de les cuatro xornaes de paru del personal mélicu, que nes universidaes hospitalaries tuvo un seguimientu d’un 50 % y nel nivel d’atención primaria superó’l 30 %, según datos facilitaos pol Simpa.
Llucía F. M
This work is licensed under a Creative Commons Attribution 4.0 International License.
