Ayer en Xixón tuvo llugar un manifestamientu convocau pola Asociación Asturiana de Solidaridá col Pueblu Saharaui, na que cientos de persones amosaron el so sofitu al pueblu saharaui desixendo la so autodeterminación

La movilización llevaba por llema “Paz y xusticia pal pueblu saharaui”. Na concentración viéronse pancartes comu “los recursos del Sahara pa los saharahuis” y “El Pueblu Saharaui tien drechu a decidir llibremente’l so futuru”, ensin que faltare’l ya míticu “El Sahara nun se vende, el Sahara se defiende”.

Los convocantes remembraron que’l conflictu estiéndese más de cinco décades y afirmen que la solución pasa por reconocese’l drechu inalienable del pueblu saharaui a decidir’l so propiu destín, refugando la colonización marroquí del Sahara afalada pola propuesta de Donald Trump. Reclamóse tamién el reconocimientu del Frente Polisariu como únicu y llexítimu representante del Sáhara Occidental. 

El conceutu d’autodetermín, reconocíu internacionalmente comu un drechu de los pueblos pero aplicáu n’escasísimes ocasiones, foi la principal reclamación a lo llargo de la movilización, na que participaron delles families saharauis abellugaes n’Asturies. 

Nel Dos Santos

This work is licensed under a Creative Commons Attribution 4.0 International License.