Izquierda Sindical Asturiana (ISA) denuncia l’abandonu de la trabayadora por parte del ERA ante’l casu d’acosu que careció
ISA convoca una concentración el xueves 22 de mayu delantre los xulgaos de Xixón énte’l xuiciu pol acosu machista a una trabayadora del ERA (Establecimientos Residenciales p’Ancianos d’Asturies).
Non solo quieren acompangar a la compañera nel difícil momentu d’enfrentar llegalmente al so acosador sinón que, recalquen, salen a la cai “pa señalar al ERA como organismu públicu qu’invisibiliza y desprotexe a les trabayadores énte la violencia que viven nos centros de trabayu”.
Con ello quieren facer entender que nun se trata de casos aisllaos, sinón que “ye de resultes d’una violencia estructural que nos castiga, nos violenta y nos torga’l derechu a defendenos”.
Izquierda Sindical Asturiana sorrayen que la trabayadora nun recibió dengún tipu de sofitu per parte l’ERA cuando denunció l’acosu, que nun s’implementó nenguna midida preventiva y que nun s’aplicó’l protocolu del que dispón l’ERA pa estos casos.
D’esta manera, denuncien, la trabayadora foi “abandonada pol organismu públicu y foi revictimizada: una primer vegada pola agresión carecía y una segunda al ser cuestionada, desoyía y sobreexpuesta”.
Nel Dos Santos
This work is licensed under a Creative Commons Attribution 4.0 International License.
