El miércoles 2 d’abril la llibrería La Revoltosa acueye la presentación d’un diorama especial dedicáu a les 6 de La Suiza.
Dientro de les munches amueses de sofitu a les 6 de La Suiza, esta ye de les más orixinales: un diorama fechu con Playmobil que representa la llucha y les movilizaciones sociales coles que la sociedá asturiana apurre de contino’l so sofitu a les sindicalistes represaliaes, condergaes por defender nel añu 2017 los derechos d’una compañera énte l’acosu llaboral y sexual al que la sometía’l propietariu de la yá pesllada Pastelería La Suiza. La persecución a l’acción sindical acomuñó, dende’l primer momentu, centenares d’amueses de solidaridá, non solo peor parte de la sociedá asturiana, sinón tamién a nivel internacional, recibiendo’l sofitu de múltiples estayes sociales. La cita ye a les siete la tarde del día 2 d’abril y, amás de presentase’l diorama, tendrá llugar una charra na que’l Grupu de Sofitu a les 6 de La Suiza informará de la situación actual del conflictu. Recordemos que’l de les 6 de La Suiza ye ún de los casos más graves de persecución a l’acción sindical nos últimos años, condergaes a tres años y mediu de cárcel y al pagu d’una multa de más de 125.000 euros.
Nel Dos Santos
This work is licensed under a Creative Commons Attribution 4.0 International License.
