• Portada
  • >
  • Muyer
  • >
  • Incredulidá ya indignación ante les pallabres de Canteli

Incredulidá ya indignación ante les pallabres de Canteli

  • 3 Febreru, 2025
Alfredo Canteli consiguió xunir machismu y racismu nuna sola declaración, nuna demostración de pericia oratoria d’estrema drecha
Asturies tuvo esti añu el dudosu honor d’estrenar  l’añu cola primer muyer asesinada pola so pareya. Cuando ya paecía que díbemos pasar la llende d’un mes enteru ensin muertes por esi motivu en tol estáu -daqué que nun pasa dende’l 2003-, a les once la nueche del 31 de xineru Karilenia, de 40 años y ma de tres fios, foi perseguía y apuñalada públicamente pola so pareya, de quien nun se da el nome, de 72.
La reacción de les y los asturianos nun se fexo esperar, con concentraciones delantre de delles cases de conceyu.
Alfredo Canteli, alcalde d’Uviéu, presente nuna d’eses concentraciones, tampocu esperó a retrucar, “Muerren muyeres y hai que tar equí, faciendo minutos de silenciu ¿Y cuándo muerren los homes”. Non contentu con ello, arrepostió que les muyeres tienen que denunciar, reconociendo darréu que “anque denuncien, van matales igual”. Pa rematar la xugada, Canteli cargó de pasu contra los einmigrantes, asegurando que “¿Quién la mató? Un inmigrante, llega de too ensin nengún tipu de control”,  seique en realidá l’asesín yera asturianu, de Sama. 
Podríemos parar a desplica-y a Canteli que ye como cuando nos campos d’algodón morría un blancu y naide lo llama racismu; podríemos fala-y de la llácara de la violencia de xéneru, del problema de fondu, pero en realidá, sabemos que nun-y fae falta, Canteli sabe de qué va el tema. Namás quier afalar a la horda cuñadista y sacar unos votos casposos, esbabayaos de raxón por nun poder seguir faciendo lo que yos de la gana coles muyeres, y de pasu conseguir unos cuantos titulares. 
D’ente los cientos de mensaxes de refuga a les pallabres de Canteli, escoyemos les acertaes reflexones que nes sos redes espubliza Rafael Velasco “Otru miserable. Si lo llega decir daquién de Bildu sobre ETA taría diciéndose que les sos declaraciones taríen rayando la apoloxía del terrorismu. Machista y cutre”.
“Alfredo Canteli tenía 29 años cuando falleció Franco. ¿Cuantos minutos de silenciu guardo cuando’l réximen mataba homes?. Que non ,que non, que yes un machista y la igualdá ente muyeres y homes impórtate un res”.
Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies