Bonos díes, bona xente.
Alborecemos con nubes ya claros siendo la nubosidá más abondosa na cordelera y fastera surocidental d’Asturies con unes temperatures que tan alrodiu de los 12ºC, rexistrándose nel puirtu Payares 2,9ºC onde sopla con fuercia l’aire.
Güei tendremos intervalos nubosos entemecios ente dellos claros o abancios cola posibilidá de precipitaciones pela tarde, sobre too na fastera ocidental d’Asturies con unes temperatures en descensu que fadrá que baxe la cota de nieve hasta los 700m al finar el día. L’aire gallegu va soplar con raches mui fuertes en zones altes ya en puntos del llitoral onde’l temporal na mar se va dexar sentir.
Mañana martes vamos seguir con intervalos nubosos y dalguna precipitación que sedrán más probable de mañana y na fastera ocidental y cordelera con una cota de nieve que rondará los 700-1000m. Les temperatures baxan llixeramente y l’aire seguirá siendo mui fuerte y gallegu.
El miércoles la llegada d’una borrasca al Cantábricu va apurrinos precipitaciones que sedrán xeneralizaes y abondoses a partir de la tarde cuando role l’aire a componente norte. La nieve va cayer copiosamente a partir de los 1000m y una vegada que pase la borrasca hacia’l cantábricu oriental l’aire va dir amenorgando.
El xueves va ser un día pasáu por agua con xarabatos frecuentes, sobre too de mañana y con nevaes copioses na cordelera ente los 1000-1200m.
Y paez qu’apartir del vienres va dir meyorando’l tiempu cola apertura de dellos claros o abancios pa dexanos una fin de selmana soleyera con xelaes nuecherniegues pero esto yá lu diremos viendo.
Que paséis un bon llunes collacies ya collacios.
Semeya de Peña Careses que mos l’apurre la nuesa collacia Evongo Bongo
This work is licensed under a Creative Commons Attribution 4.0 International License.