Parte metereolóxicu del 24 de Xineru

  • 24 Xineru, 2025
Bonos díes, bona xente.
” Suben les temperatures por mor del vientu ábrigu “
Alborecemos col cielu nuboso ya con unes temperatures que tan alrodiu de los 15ºC, amás sopla l’aire ábrigu con raches fuertes en zones del llitoral y cordelera, rexistrándose nel puirtu Payares 3,5ºC.
Güei vamos tener el cielu nuboso pero sin precipitaciones, sicasí na fastera más surocidental d’Asturies y cordelera puen tener dalguna gotera pero lo más destacáu va ser la subida de les temperatures y ye que l’aire ábrigu, al pasu pela cordelera, va dexanos l’efeutu foehn faciendo que suban les temperatures nos valles y llitoral con másimes qu’algamarán los 20ºC nestes zones.
El prósimu riscar un frente atlánticu recorrerá Asturies d’oeste a este dexándonos al so pasu precipitaciones y un descensu de les temperatures, faciendo que la cota de nieve baxe nel alborecer hasta los 1000-1200m. Durante la mañana dirán remitiendo los xarabatos a la vez que abriranse dellos claros o abancios. L’aire de componente noroeste pue soplar molestu nel llitoral y zones altes.
El domingu torna de nuevu’l vientu ábrigu cola consiguiente subida de les temperatures dempués d’una nueche escamplada y fría, amás soplará con muncha fuercia en zones altes ya en puntos del llitoral. Nel cielu tendremos nubes pero sin precipitaciones.
El llunes una potente borrasca atlántica mos dexará precipitaciones abondoses, vientu gallegu con raches mui fuertes, temporal marítimu y un descensu de les temperatures, situación que va prolongase los siguientes díes con nevaes pela cordelera y ambiente ivernal pero esto yá lu diremos viendo.
Que paséis un bon vienres collacies ya collacios.
Semeya que mos l’apurre la nuesa collacia María Suarez.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies