Bonos díes, bona xente.
” Sigue’l tiempu anticiclónico”
Alborecemos col cielu escampláu ya con nublines no fondero los valles con unes temperatures que tan alrodiu de los 2ºC, rexistrándose nel puirtu Payares -1,3ºC
Güei vamos tener el cielu escampláu una vegada que se dixebren les nublines del alborecer con unes temperatures que van camudar poco, sicasí nel llitoral l’aire nordés amenorgará y fadrá que la sensación térmica nun seya tan desagradable.
Mañana sábadu vamos tener de nuevu’l cielu escampláu percompletu, sin cambios en les temperatures que mos dexarán un ambiente mui fríu pela nueche y solo la llume del sol a primera hora de la tarde suavizará les temperatures..
El domingu dirá n’aumentu la nubosidá dempués d’otra nueche de xelaes, el llunes templará con dalgunes nubes que dirán n’aumentu’l martes cola posibilidá de dalguna precipitación feble, nun sedrá hasta la fin de selmana viniente cuando puea camudar dalgo la dinámica atmosférica pero esto yá lu diremos viendo.
Que paséis un bon vienres collacies ya collacios.
Semeya que mos l’apurre la nuesa collacia María Suarez.
This work is licensed under a Creative Commons Attribution 4.0 International License.