Colar de casa ensin colar d’Asturies, la misión imposible de la mocedá asturiana

  • 17 Xineru, 2025

Con un sueldu mediu de 1.048 € ente la mocedá y un arriendu mediu de 1.072 queda claro que’l trabayu d’una persona nueva nun da pa desafiase  

El porcentaxe de persones nueves que siguen viviendo en casa de los sos pas xorreció en 0,4 puntos, hasta’l 83 per cientu, nel caberu añu, acordies los datos ufiertaos esti xueves pol Observatoriu del Desafíu del Conseyu de la Mocedá.

Esclariemos que cuando dende les alministraciones falar de mocedá tán incluyendo a toles persones que tán n’edá de trabayar hasta los 29 años, esto ye, qu’ún de cada cinco adultos menores de 30 años siguen viviendo nel llar familiar, inclusive anque tengan trabayu. 

Tien xacíu, yá que anguañu col salariu mediu pa estes edaes un mozu tendría de dedicar tol so salariu a pagar l’arriendu d’una vivienda en solitariu y entá asina, en munchos casos nun-y llegaría. Ello ye que non solo hai menos nuevos desafiaos que va un añu, sinón que l’amplia mayoría de los que colen de casa faenlo nunes condiciones bien precaries, que torguen crear un proyectu de vida estable.

Con estes circunstancies, l’orixe de la emigración xuvenil y de la baxa tasa de natalidá queden sobradamente desplicaos. 

Nel Dos Santos

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies