Esti 2024 asoleyáronse un total de 19 álbumes -referencies que tienen más de cuatro cantares y que s’asoleyaron en formatu físicu y/o dixital- y 24 singles -referencies llanzaes en spotify y otres plataformes musicales asemeyaes, con o ensin videu d’acompañamientu-.

Pente los nuevos álbumes alcontramos el naguau regresu del míticu grupu Beleño, col so álbum “Daón”, la nueva obra del prolíficu grupu piloñés Fontoria, con “El neñu que cuntó toles estrelles”, l’album aniversariu de La Tarrancha, “Camín de venti”, l’homenaxe a Xosé Bolado, entituláu “Fueyes de color infinitu” fechu por Tierra y Eco o clásicos comu Xuaquín Pixan, que vuelve con “Asturianada, la memoria de nuestros mayores”. Ente los singles tamién topamos clásicos, comu Hevia o Hector Braga, y dalgunos de los más renomaos de l’actualidá musical, comu Rodrigo Cuevas, Xera o el Mostru l’Horru, compositor del canciu oficial de Reciella 2024.

Esa ye la información qu’apurre la páxina que sigue l’actualidá musical del país, Musicasturiana.com, que despidió l’añu faciendo un repasu per toles novedaes musicales del añu y llanzando una encuesta pa que’l públicu vote los llanzamientos que más-yos prestaron. Pue facese nesti formulariu, tola xente que participe va tener un 5% de descuentu nes compres en musicasturiana.com.

Discos y EPs asoleyaos

1. La Tarrancha – Camin de VENTI (dixital)
2. L-R – V.O.S (CD, Vinilu y dixital)
3. Tierra y Eco – Fueyes de color infinitu. Homenaxe a Xosé Bolado (dixital)
4. Bear, The Storyteller – L’Ermitañu que coronó les nubes (CD y dixital)
5. Fontoria – El neñu que cuntó toles estrelles (CD)
6. Melandru – II (dixital)
7. Fabes de mayo – Dayuri (CD y dixital)
8. Rubén Alba – Secretos sin contar (CD y dixital)
9. Beleño – Daón (CD y dixital)
10. Picarós – Son d’ermu (CD y dixital)
11. La Banda Latira – La banda… Latira! (CD y dixital)
12. Viuda – Provinciana (CD, Vinilu y dixital)
13. La Bedur – La Bedur (Llibru y dixital)
14. Ferla Megía – Páxaros 01 (CD y dixital)
15. Banda Gaites Fonte Fuécara – Gaiteros (CD y dixital)
16. Llevólu’l Sumiciu – La Llobera (dixital)
17. Herbamora – 286 Llunes (CD y dixital)
18. Vérsica – Vérsica (CD y dixital)
19. Joaquín Pixán – Asturianadas. La memoria de nuestros mayores (CD)

Singles asoleyaos

1. L-R y Rodrigo Cuevas – L.luna
2. Guieldu – Flor d’Artu
3. Carlos Casado y Xaime Arias – La mio neña
4. Ún de Grao – Tiráu na calle
5. Fred Warrior – Pallabres n’asturianu
6. Melandru – Shinji sube al EVA
7. Xera – Corales de cristal
8. Tasio – Tener praos
9. Sastre y Coru Al Altu La Lleva – Funeres S/N
10. Coru Al Altu la Lleva – Como augua de torbón
11. Héctor Braga y Víctor Manuel – Valiente
12. El Velcro y Alicia Villanueva – Santolaya
13. Llevólu’l Sumiciu – Divina
14. La Banda Latira – Le voyage rêvé
15. Ferla Megía – Xatu
16. La Tarrancha – Pela carretera
17. Mostru l’Horru – Col asturianu xugamos n’equipu
18. DRB – La panadera
19. Ferla Megía – bele bele
20. Llevólu’l Sumiciu y Alicia Villanueva – Medio la mar
21. Herbamora – Lluna de collecha
22. DRB – Abdel-Presi
23. Hevia – Busindre Reel 25
24. Héctor Braga – Roubiltones