La situación económica n’Asturies ta lloñe de meyorar pa la población, pero les bonificaciones a los productos de primera necesidá coles que se pretendía facer menos difícil llegar a fin de mes desapaecen dende yá. Güei abrieron les tiendes colos precios más altos, al subíse l’IVA de tolos productos básicos. Estrenen l’añu encareciéndose los alimentos la ellectricidá y los combustibles, ensin escaecer que la medría de los dos caberos fina por acelerar la del restu de productos, al encarecer los costes de producción. 

Tamién xubirá’l preciu del peaxe del Güerna y fadrálo perriba de lo pautao na normativa en vigor que dende va venti años venceya esta xubía a la inflacción del añu anterior,  pa “compensar” a les concesionaries pola llimitación puesta nel 2023, seique entá nun se concretó la cifra.

Notaremos tamién que’n dellos conceyos  -especialmente nos más poblaos- xorrecen les tases de recoyía de basories, l’IBI, el preciu del agua, les entraes a equipaciones esportives como pistes, piscines y xinasios, los aparcamientos soterraneos, l’accesu a conciertos y actividaes culturales y los tasis.