La Xunta pola Defensa de la Llingua Asturiana (XDLA) vien de denunciar que nel borrador de la baremación de les oposiciones de reposición n’Educación Secundaria, que va entamar el Gobiernu del Principáu d’Asturies l’añu que vien, valoren más el conocimientu de llingües comu’l gallegu, el catalán o l’euskera que l’asturianu.

Yera evidente, les llingües oficiales, siempres puntuen ya una bones que’l marcu regulador pa l’alministración asturiana ye España, cae de caxón que les llingües oficiales nel reinu tan per delantre de les de nueso. Les semeyes en prensa y les bones pallabres del nuesu presidente nun cumplen la función d’un reconocimientu oficial y amparen la llegalidá de fechos tan surrealistes comu esti.

Más entá, demostrar un bon nivel de conocimientu de llingües estranxeres, comu l’inglés o’l francés tamién puntua más que saber asturianu, pesi a qu’eses llingües nun seyan oficiales nel estáu.

Asina,  les certificaciones d’asturianu van cuntar nun apartáu que valora formación en xeneral con 0,25, ensin importar el nivel, mentes que’l C1 de llingües estranxeres como l’inglés o’l francés o d’otres del Estáu como’l catalán, el gallego o’l euskera, puntuarán el duple, 0’5. 

La XDLA entruga al Gobiernu el porqué d’esta discriminación, pero la mesma nota de prensa asoleyada pa la ocasión ya dan la rempuesta, especificando “denguna oficial n’Asturies”. Otra vuelta demuéstrase que nun hai más qu’una vía p’aparar los disprecios a la llingua asturiana, algamar una oficialidá plena darréu y de magar ella, desixir tolos drechos que correspuenden. 

Susana Sela