La pésima xestión de les Subvenciones per parte del Principáu d’Asturies pon en pelligru la continuidá de proyeutos perimportantes pa la nuesa sociedá, comu ye’l casu d elos programes d’atención a la vulnerabilidá
A estes altures del añu, la xestión de delles lineas de sovención siguen ensin resolver, inclusive dalgunes siguen ensin convocar, col evidente perxuiciu de cumplimientu de los fines para los que fueron presupuestaes. Destaquen los retrasos nes Sovenciones destinaes a la realización de programes d’interés xeneral pa fines sociales del añu 2024 de la Conseyería de Drechos Sociales y Bientar, les convocaes pola Conseyería de Salú y les convocaes pola d’Educación, qu’entá tán por convocar y/o resolver.
Asina, por casu, l’anunciada llínea pal financiamientu de gastos d’Inversión con cargu al IRPF de 2023 entá nun foi convocada y les de la realización de programes d’interés xeneral pa fines sociales nes llínies de Discapacidá, Mayores, Reciella, Familia y Voluntariáu pa executar nel 2025 vien de selo, con un plazu pa la presentación de proyectos d’un mes; siguen ensin resolver les subvenciones a executar nel añu 2024, dirixíes a l’atención de la salú de les persones con enfermedaes cróniques, los sos familiares o curiadores, lo mesmo que les de Compensación Educativa, dirixíes a favorecer la equidad educativa mientres el cursu 2024/2025.
Esta situación obliga a los organismos qu’esperen recibir sofitu institucional a adelantrar unos gastos que nun saben si van poder encarar o a arrenunciar de los sos proyectos, arrenunciando a les posibles subvenciones. Les entidaes nun pueden planiar en tiempu y forma los proyectos que se tán llevando a cabu, yá que entá nun conocen el financiamientu de la que van disponer pal próximu exerciciu.
La situación ye especialmente grave dientro del llamáu Tercer Sector d’Acción Social, nel que se engloben les entidaes que’l so trabayu impacta directamente sobro la calidá de vida d’un gran númberu de persones en situación de vulnerabilidá, dificultá y esclusión social, que se plantegen si esti xineru van poder siguir emprestando los sos servicios.
Llucía F. Marqués
This work is licensed under a Creative Commons Attribution 4.0 International License.
