Mieres destaca pola continuidá de los sos actos en defensa del Pueblu Palestín y de denuncia de la so masacre
L’actu, protagonizáu pola Plataforma Solidaria Asturies Con Palestina, abrió cola proyección de los curtios Suañando Aguantando y Requiem por Palestina, pa entrar dempués a xeitu nos proncipales elementos de la hestoria del sionismu y colonización, de les resistencies, de les campañes BDS, de la movilización na Universidá asturiana contra’l Tiche-proyectu belicista amestáu a empresa militar del sionismu y otres temes rellacionaes cola masacre al pueblu palestín y l’esixencia mundial del so fin. 
Darréu tuvo llugar un intensu coloquiu de propuestes pa consiguir parar l’esterminiu masivu. Falóse de les movilizaciones en Mieres, que fueron asgaya (llantáu d’olivu al par de la Ca Conceyu,  Conciertu memorable de música ástur, presencia y simboloxía de sofitu de Manu Chao, concentraciones de los miércoles nel Campus Uniovi, actividaes d’espardimientu nos mercaos de los domingos, etc).

En pallabres de los organizadores “l’alcuentru valió pa reforzar los llazos y les propuestes pa siguir denunciando la matanza y la colonización galopante: que s’atreva’l criminal de guerra a triar tierra mierense o a unviar los sos emisarios criminales, que va atopase cola bigornia del so zapatu enllordiáu de sangre d’inocentes, pos la sentencia de la CPI va aplicáse-y de momentu”.

Susana Sela