El sábadu 14 d’avientu, a les 12:30 h., saldrá del Muséu’l Ferrocarril de Xixón un manifestamientu que reclama un drechu tan básicu comu’l de la vivienda
La vivienda ye un drechu básicu que tien de tar garantizáu pa toes y toos, daqué bien lloñe de la realidá nuna Asturies na que’l coste l’arriendu supera’l 50% de los ingresos pa munches persones, algamando’l 100% pa otres, depués de la descomanada xubía carecía los caberos años, amparada nel espoxigue turísticu y la llegada de teletrabayadores dende zones más riques, si, pero tamién por mor de la especulación y l’arriquecimientu de fondos utres y rentistes ensin escrúpulos. Miles de persones ensin vivienda y decenes de miles de cases vacíes.
Mentantu, los Gobiernos español y asturianu anuncien al altu la lleva unes iniciatives públiques en materia vivienda insuficientes dafechu, que nun resuelven el problema pero que permiten sacar la correspondiente semeya.
Como preba d’ello el manifestamientu visibilizará dos recientes casos de desfiuciu, ún d’ellos planificáu pal viniente 31 d’avientu a una familia que vive nun pisu de la empresa pública VIPASA.
El drechu a la vivienda digno, la baxada de los alquileres y facelos indefinios, torgar los desfiucios, la espropiación de viviendes vacies ya’l desaniciu d’empreses d’ocupación son dalgunes de les propuestes que se ponen enriba la mesa nesta convocatoria.
Susana Sela
This work is licensed under a Creative Commons Attribution 4.0 International License.
