L’Asociación de Vecinos Esto ye Ciares presenta esti proyectu, col que se trata de poner en valor la hestoria y les hestories de Ciares y de los sos elementos más definitorios y emblemáticos

L’asociación Esto ye Ciares entama esti próximu xueves, 19 d’avientu, un actu de presentación del podcast “Ciares, cróniques d’un barriu”, un documental sonoru nel que nos últimos meses fuéron arrexuntando estremaos testimonios de vecines y vecinos, asina comu d’historiadores y otros profesionales y representantes de colectivos venceyaos a la redolada del barriu. 
Trátase d’un percorríu al traviés del tiempu y l’espaciu. Al traviés de seis episodios, el podcast pon el focu nos llugares que marcaron la evolución del barriu y que siguen definiendo’l día ente día de los sos habitantes, vecinos y vecines que caltienen viva la identidá de Ciares.
Ca un de los capítulos ta dedicáu a un elementu singular y dinamizador: el Llar del Productor, el fúbol popular, el campusantu d’El Sucu, el parque Los Pericones ya’l pasáu industrial del barriu. 
A manera de contestu inicial, el primer episodiu introduz una visita guiada reivindicativa na que se definen tantu la so etimoloxía y nomenclatura como les sos dimensiones xeográfiques.
Los primeros episodios yá tán disponibles pa la so escucha al traviés de distintes plataformes y agregadores de podcast como Spotify, Ivoox, Apple podcast, Spreaker y YouTube.

Susana Sela