• Portada
  • >
  • Conceyos
  • >
  • Fasta 20 turistes por vecín: Cinco conceyos asturianos pente los más masificaos pol turismu del estáu

Fasta 20 turistes por vecín: Cinco conceyos asturianos pente los más masificaos pol turismu del estáu

  • 20/08/2024
Cangues, Uviéu, Xixón, Villaviciosa y Llanes entren nel “top ranking” de llugares escesivamente turistificaos del estáu
Les cifres son entá del 2023, pero espeyen una situación qu’esti branu apioró entá: son conceyos nos que los turistes son más que los residentes. Cangues, por casu, tien 6362 moraores y recibió l’añu pasáu 127.987 visitantes, más de venti por persona, o Llanes, que con 13.600 llaniscos recibió 121.766 turistes.

Estos visitantes son mui mayoritariamente procedentes d’España, con perpoca presencia proporcional -esceutu n’Uviéu- de turistes d’otros países, polo xeneral con capacidá alquisitiva mayor.

Les protestes y campañes contra la masificación turística lleven repitiéndose dende los años noventa, cuando dende Andecha Astur alvirtióse de los pelligros de la política turística que’l Principado entamaba d’aquella a sofitar ensin reserves. De magar entós nun hebio añu en qu’esta organización nun aporfiare na cuestión, con campañes de denuncies y propuestes concretes pa, más que finar col turismu, racionalizalu y facelu económicamente provechosu pa tola comunidá que carez les sos consecuencies, non solo pal empresariu hosteleru.

Nel Dos Santos

Comparti esta noticia

This work is licensed under a Creative Commons Attribution 4.0 International License.

1 Comment Already

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies