Desburocratizando la educación

  • 8 Xunetu, 2024

Les bones intenciones tienen de dir acompangaes d’actuaciones que tenan una incidencia real darréu sobre la sobrecarga de trabayu del profesoráu asturianu. Si nun se cumplen les nueses demandes, la nuesa única opción a futuru sedrá la movilización permanente”.

El “Grupu de trabayu pa la simplificación alministrativa de les xeres del profesorau” aconceyó a representantes de la Conseyería d’ Educación y sindicatos docentes de la rede pública.

Los sindicatos acudíen cola  esperanza de que’l Director Xeneral de Personal Docente yos concretare lo anunciao na cita anterior, pero lo único que se costató nel conceyu, según representantes de SUATEA, foron las bones intenciones d’esta Direición Xeneral, pero ensin dala midía d’aplicación inmediata.
Dentro d’eses “intenciones” van perfilándose cambios importantes nel modelu de xestión de la educación asturiana. El cambiu más ambiciosu y de mayor repercusión pal profesorau asturianu de tolos anunciados, ye la sustitución del programa de xestión SAUCE por una nueva plataforma que valga pa simplificar y evitar duplicidaes a la de rexistrar les ausencies del alumnau y pa facilitar los procesos de evaluación.
Otros cambios positivos son la simplificación de documentos de centru (PGA, memories o
actes); la simplificación del procesu de solicitú de sofitu fuera l’aula -una de les principales demandes del profesorau de PT, AL, PSC y Orientación- la meyora nel procesu de xestión d’órdenes de comisión de les itinerancies y, por último la posibilidá de que’l profesorau interín roble los sos nomamientos dixitalmente, evitando molestias y desplazamientos innecesarios.
La parte más negativa ye, apunten dende’l sindicatu asturianu, que “la Conseyería sigui cola so política de “tomamos nota y agradecemos aportaciones”, pero, en xeneral, nun paez qu’haiga muncha voluntá de llevar a cabu denguna de les midies que propusimos dende les organizaciones sindicales”.

De fechu, denguna de les reformes principales va a ser d’aplicación inmediato, la nueva plataforma que
sustituya a SAUCE nun va a tar llista anantes del cursu 25/26 nel meyor de los casos, y demoraráse fasta el 26/27 pa dalgunas funcionalidaes.
Amás, SUATEA insiste en que lo más urxente ye invertir en personal alministrativu qu’atienda a tolos cientros educativos asturianos de manera que se-yos quite a los equipos directivos una xera que yos ye ayeno: realizar la xestión económica. Tamién remembren, pente otres, una cuestión que lleven  años demandando: que a tolos equipos directivos unipersonales se incorpore al menos otra persona que desempeñe funciones de secretaría.

 

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies