El Tribunal Supremu refuga’l recursu y conderga a prisión a les Seis de La Suiza

  • 25 Xunu, 2024

Espérase que la concentración que se fadrá d’esti xueves, a les siete y media delantre la Ca Conceyu, seya multitudinaria en rempuesta a una sentencia que sienta un peligrosu precedente contra l’aición sindical y contra l’autodefensa de les muyeres y trabayadores

El Tribunal Supremu, aconceyáu en Madrid, valoró ratificar la sentencia de prisión pa les Seis de La Suiza. Seis trabayadores condergaes por concentrase va ocho años delantre de la pastelería na que trabayaba y yera víctima d’acosu una compañera.
Tres d’ocho años de movilizaciones y cuntando col sofitu de tolos sindicatos y tola clas popular asturiana, la decisión del Supremu cae como un xarru d’agua fría.

Aconceyada d’emerxencia ayeri mesmo al sabese la noticia, la plataforma d’ayuda a les Seis de la Suiza convoca pa esti xueves a les siete y media de la tardi una concentración de sofitu delantre la Casa Conceyu qu’esperen que seya multitudinaria, pa demostrar que “seique derrotaes, nun tan vencíes” y que la solidaridá del pueblu asturianu nun acaba con esta sentencia, sinón que precisamente por ella tien d’amosase más xuníu que nunca contra la represión del sindicalismu. 

Esti casu anicia cola llegada d’una trabayadora a la sede de la CNT buscando conseyu pa denunciar les sos condiciones llaborales na pastelería La Suiza, condiciones qu’a piques tuvieron de prevoca-y un albuertu y qu’incluyíen acosu llaboral y sesual. El sindicatu trató primero de negociar col empresariu y ante la imposibilidá, pasó a desendolcar movilizaciones y concentraciones al pie de la pastelería, ensin que’n dalu momentu se dieren estroces nin actos violentos. 

L’empresariu contraataca entos denunciando a más de trenta persones, de les que seis son les agora condergaes a prisión acusaes d’un delitu de “obstrucción a la Xusticia y coacciones graves reiteraes”.
Esta sentencia sienta un precedente peligrosu nel que se castiga l’aición sindical y se victimiza al culpable d’una situación d’acosu d’estrema gravedá, un precedente interpretáu por toos como un avisu a toles muyeres en casu d’acosu, a tolos sindicalistes, a tol pueblu, pa que nun denuncien, nun protesten, nun s’organicen. Dende la CNT anunciaron ya que van a recurrir en toles istancias posibles, a nivel español y europeu, pa que se faiga xusticia con esti casu que supón un ataque terrible al trabayu sindical

Agora más que nunca, más alto, más fuerte, tola nuesa solidaridá coles Seis de la Suiza, tamos pa lo que necesitéis, compañeres.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies