“Una multinacional siderúrxica condiciona la vida de los vecinos del oeste de Xixón. Contamina ensin filtros y pretende destruyir 1000 emplegos. Esti documental busca ofrecer les claves del poder d’esta empresa y mostrar la llucha de trabayadores y vecinos.”

Esti xueves a les siete la tardi preséntase nel CMAE d’Avilés, de la man d’Asturies Insumisa, el documental “Povisa, ¿cómo vivir con una multinacional nel to barriu?”. Ye’l frutu de dos años de trabayu entrevistando a la vecindá de la zona oeste y trabayadores de la zona, amosando les consecuencies y complicaciones de compartir el so espaciu vital colafuerte contaminación industrial que carez esa zona de Xixón. 

La dirección del documental ye de F.R.L. y la so producción de Rede Media, cuntando pa la so realización col sofitu de la Plataforma contra la contaminación de Xixón y CSI ArcelorMittal.

El so envís ye axitar conciencies pa presionar a ArcelorMittal pa qu’adopte les medies necesaries pa reducir la contaminación. El documental emítese al pocu d’anunciase’l despidu de 121 trabayadores por parte d’esa empresa, que non solo contamina sinón que tien a los sos emplegaos en continúu estáu de congoxa con menacia de despidu.

Nel Dos Santos