La prósima charra de Mariaxes de la mar va tener llugar esti llunes 15 d’abril, a les 19h nel C.M. El Llano, en Xixón
Dende’l Centru Oceanográficu de Xixón tan entamando una serie de charres coles asociaciones de vecinos que denominen genéricamente Mariaxes de la Mar. Nesta ocasión trátase d’una investigadora postdoctoral procedente de Canaries -malqu’ella seya asturiana d’orixen- que cuntará el so trabayu nun proyectu d’investigación que fae por restaurar los océanos, un llabor inxente qu’interesa conocer y espardir.
Mariaxes de la mar enmárcase dientro’l proyectu “Mareona Oceanográfica”, un proyectu d’espardimientu científicu que trata temátiques como’l cambéu climáticu, la contaminación marina y la perda de biodiversidá. Les charres tan entamaes pol Centru Oceanográficu de Xixón que cunta cola collaboración de la Fundación Española pa la Ciencia y la Tecnoloxía (FECYT) del Ministeriu de Ciencia, Innovación y Universidaes y l’Unión de Comerciantes del Principáu d’Asturies.
Alberto Rodríguez
This work is licensed under a Creative Commons Attribution 4.0 International License.
