Ante les imáxenes espardies ayeri per redes sociales nes que se ve como una escavadora desanicia una panera en Salas, Andecha Astur pidi desplicaciones y responsabilidaes a l’alcaldía de Salas

La indignación ciudadana foi xeneralizada ante les imáxenes del baltu de la panera, en principiu, col envís d’aprofitar el tarrén pa la costrucción d’edificios. 

Anque’l fechu en sí ye llamentable en cualisquier casu y una perda pal padremuñu y paisaxe asturianos, ye imprescindible que se faigan públicos dalgunos detalles, comu si el baltu taba autorizáu o non y por quién, la antiguedá de la panera y si ta catalogada. Eses son les cuestiones que dende Andecha Astur faen al alcalde de Salas, Sergio Hidalgo, y a tol plenu municipal, que aparentemente dio de pasu un estudiu urbanísticu nel que ya se contemplaba específicamente’l desaniciu de la panera. 

La organización nacionaliega remembra tamién que, catalogada o non, una panera ye un bien mueble, ello ye, movible, y qu’esistía la opción de treslladala a otru llugar envede desfacela. 

Otres organizaciones, comu l’Asociación del Horru Astuturianu, anunciaron tamién l’aniciu d’aiciones llegales al respeutu. 

Nel Dos Santos

This work is licensed under a Creative Commons Attribution 4.0 International License.