Dempués d’entrevistase con EH-Bildu y qu’estos los remitieren a Andecha Astur como organización coalligada n’Asturies, decidieron nun presentase.

Na so tercer asamblea cellebrada esti sábadu, la organización asturianista decidió posponer de nueu la so participación elleutoral y fixar esta vegada los sos oxetivos pal 2027, nel comencimientu de que, pa entós, yá tendrán la capacidá suficiente pa poder participar en condiciones favorables.

Tres la so campaña nes elleiciones asturianes anunciando que “estes son les útitmes nes que nun mos presentamos”, y nun facelo tampoco nes estatales, esperábase de que por fín dieren el pasu, y lo cierto ye que s’entrevistaron con EH-Bildu pa solicitar que se los incluyera como miembros de la coallición ‘Agora Repúbliques’ dientru la que s’afaya Andecha Astur como representación asturiana.

Como quiera q’EH-Bildu los remitió a Andecha Astur pa que trataren con esta organización la so almisión dientru la mencionada coallición europea, Aína renunció a presentase tamién a estes elleiciones ensin llegar siquieramente a ponese en contautu cola organización política referencial n’Asturies de dicha coallición: Andecha Astur.

Nel Dos Santos

This work is licensed under a Creative Commons Attribution 4.0 International License.