Nun hai chigres en Yernes.
El caberu, de propiedá municipal y arriendáu por cuatro años a Yoana López, vien de presllar puertes por negase la Ca Conceyu a renovar el contratu
L’aplicación sistemática de les normes ensin tener en cuenta’l beneficiu del pueblu lleva a situaciones difíciles de pescanciar, comu que se preslle “La Bolera”, el caberu chigre de tou un conceyu, puntu d’alcuentru vecinal y organizador de dellos eventos añales qu’animaben la vida social del conceyu menos pobláu d’Asturies y atrayíen a xente.
Ye cierto que’l contratu anicialmente robláu cola ca’l Conceyu contemplaba una renovación másima del arrendamientu a fasta cuatro años y estos ya se cumplieren, pero ye cierto tamién que nun hai relevu previstu y qu’esti preslle menacia con ser definitivu.
Un pasu alantre nel despoblamientu del conceyu, afaláu nesti casu pola propia alministración que tendría de lluchar por fixar población.
Llucía F. Marqués
This work is licensed under a Creative Commons Attribution 4.0 International License.
