Jonathan Chichas, activista social y sindical, miemblu de la Plataforma pola Defensa Pública del Agua y delegáu sindical de la EMA, despedíu de la Empresa Municipal de Aguas de Xixón alcontrándose de baxa por accidente llaboral
El despedíu, que llevaba doce años trabayando na empresa municipal, yera delegáu sindical, al tiempu qu’activu participante’n delles plataformes ciudadanes, comu la Plataforma pola Defensa Pública del Agua, Asturies Insumisa, La Clas Trabayadora, o un polmón pal Solarón. El pasáu 31 de xineru recibió una comunicación del director xerente de la empresa, Vidal Gago, onde se-y daba noticia de la estinción del so contratu, pesi a tar de baxa llaboral. Esto ocurre a pocos díis de la negociación del conveniu de la empresa, lo que pue entendese comu un “avisu a navegantes” a les voces más belixerantes contra la dirección del EMA.
El trabayador nun tien dala duda de que se trata d’un casu de represión sindical, ya que amás de la so reconocía llabor sindicalista ya’l so activismu social, Chichas denunciare en delles ocasiones, na so condición de delegáu sindical, al actual director xerente de la empresa por irregularidaes llaborales.
El despidíu anunció ya qu’entamará acciones llegales por despidilu tando de baxa ya ensin motivu procedente. “Recordemos que ye una empresa municipal y podemos facer munchu dañu a los políticos que la rexenten” avisen nun comunicáu espardíu peles redes dende Asturies Insumisa y LCT.
Llucía F. Marqués
This work is licensed under a Creative Commons Attribution 4.0 International License.
