Asturies  preslla xineru con 375.313 cotizantes y 59.216 persones en paru. El númberu de persones beneficiaries de prestaciones por desemplegu caltúvose prácticamente igual, en 32.558, anque la mayoría (el 52%) cobra namás una prestación asistencial, d’alrodiu los 480 euros al mes.

Xineru aporta, comu tolos años, con desaniciu masivu d’emplegos, siendo 59.216 persones rexistraes nel serviciu de busca d’emplegu públicu.

Depués d’esti primer mes del 2024 contabilícense 4.760 cotizantes menos a la seguridá social, ello ye, 4.760 puestos de trabayu menos; ello implica una cayía del emplegu dos puntos perriba de la estatal. El sector servicios torna ser el principal responsable del xorrecimientu del paru, cola so avezada estacionalidá vacacional, seique tamién la industria pierde emplegos, cola peculiaridá de que nesti caberu sector nun se trata d’altibaxos estacionales, sinón que mui probatiblemente seyan perdes definitives d’emplegos. 

Sube mui especialmente’l paru femenín, siendo la mocedá el segundu coleutivu más afeutáu, xunto coles persones en paru de llarga duración que ca vegada tienen más complicao la reincorporación.

Nel Dos Santos

.

This work is licensed under a Creative Commons Attribution 4.0 International License.