Ayeri aconceyaron, delantre la Gota Llechi de Xixón, comu tolos caberos miércoles de mes, la Plataforma contra les violencies machistes
La concentración mensual de denuncia de les violencies machistes tornó a aconceyar a decenes de persones al pie de la Gota Llechi con una pancarta, esta vegada recién inagurada con un contador que va endemasiao depriesa: cuatro víctimes de la violencia contra les muyeres namás nel primer mes del añu. Una cifra que, siendo tremenda, ye meyor que la del añu pasáu, cuando xineru sumó más del duple, diez víctimes. Sicasí, fasta que se pueda escribir esa pancarta en blanco los convocantes -Andecha Ástur, Anticapitalistes, Dar de mamar, Asociación de Pensionistes de Xixón, Feminismu en Llucha del CSI, la plataforma del serviciu d’ayuda a domiciliu -SAD-, Podemos y Verdes-Equo- seguirán denunciándo la situación y reclamándo la intervención pa protexer a les muyeres y castigar a los asesinos, asina comu que se faigan cambeos na educación, los xulgaos y la sociedá en xeneral pa que puean frenase esti andanciu mortal.
La primer víctima d’esti añu, Ana Z, de 56 años, de Málaga, denunciare ya al so asesín pola so violencia, ensin que-y sirviere de na.
Nel Dos Santos
This work is licensed under a Creative Commons Attribution 4.0 International License.
