Los actos valdrán ensin dubia pa esacerbar los ánimos de les facciones más facistes de la ciudá, contribuyendo, xunto cola prevista cuelga de la banderona, a crear un ambiente de crispación y belicismu españolista na recomendable pa la bona convivencia de los ciudadanos

Asturies será esti añu l’epicentru de la parafernalia militar del día de las “Fuerzas Armadas” españolas; dientro los actos belicistes previstos alcuéntrase la toma aeronaval de la sablera San Llorienzu, prevista pa la tardi del 31 de mayu.

Non contentos con alardear de poder militar nel ignominiosu Festival Aéreu de Xixón, contra’l que se manifiesten los ciudadanos tolos años y que cellebra l’ataque y bombardéu de Xixón por parte del mesmu exércitu español, esta primavera los xixoneses tornaremos a carecer la invasión de les nueses costes polos exercicios militares non solo aéreos, sinón navales.

Esta nueva demostración de fuercia de les fuercies de seguridá españoles antroxa de folixa un desfile armamentísticu col que traten de blanquiar l’usu asesín y l’esbardiu económicu que supón la maquinaria de guerra. Nun ye despreciable tampocu la discreta menacia que se fae a la población asturiana con un despliegue de medios que demuestra la superioridá bélica del reinu español. 

Nel Dos Santos

This work is licensed under a Creative Commons Attribution 4.0 International License.