Les principales sedes d’empreses enerxétiques d’Asturies fueron testigu de los mensaxes de protesta “énte los elevaos precios, los cuantiosos beneficios y l’espoliu más grande sufiertu hasta los nuesos díes”

Total Energies, Iberdrola, Repsol… les oficines comerciales de toes elles amanecieron el sábadu pasáu lluciendo grandes pancartes con llemes comu “Enerxétiques lladrones” “O pago la lluz o pago l’alquiler”, “La vuesa codicia conxela los nuesos güelos”,”Vuesos beneficios la ruina del pueblu” o “Enerxía llibre y gratuita”. 

La campaña ta desencadenada poles socesives xubíes del coste de la lluz que somorguia a un altísimu porcentaxe de los asturianos na llamada “probitú enerxética”, ello ye, la imposibilidá d’utilizar la lletricidá pa cuestiones comu la calefacción o l’agua caliente por nun poder facer frente a los pagos de la mesma. Frente a esta probitú, los descomanaos beneficios d’unes compañíes ensin escrúpulos qu’especulen con un bien básicu, polo que la demanda ye la xestión pública de la enerxía pa garantizar el so accesu a tola población.

Susana Sela

This work is licensed under a Creative Commons Attribution 4.0 International License.