• Portada
  • >
  • Xixon 100%
  • >
  • FITUR 2024: Xixón acoyera’l Global MICE Forum 2025 y Tierra Astur recibe’l premiu al Serviciu Turísticu más competitivu

FITUR 2024: Xixón acoyera’l Global MICE Forum 2025 y Tierra Astur recibe’l premiu al Serviciu Turísticu más competitivu

  • 26 Xineru, 2024

La vicealcaldesa de Xixón y concejala d’Economía, Turismu ya Innovación, Ángela Pumariega, robló en FITUR l’alcuerdu para acoyer esta cita clave de la industria de xuntes y eventos.

Amás, la sidrería Tierra Ástur Poniente recuoyó en FITUR el tercer premiu al serviciu turísticu más competitivu  de los premios SICTED.

Global MICE Forum Corporate Edition, una de les cites esenciales de la Industria de Xuntes y Eventos nel estáu, va axuntar a la meyor ufierta y demanda del sector de los eventos corporativos en Xixón en 2025. Asina s’esprende del alcuerdu robláu pola vicealcaldesa de la ciudá asturiana y concejala de Economia, Empléu, Turismu ya Innovación, na feria Internacional de Turismu (FITUR), que ta cellebrándose estos díes en Madrid.

Los Global MICE Forums son alcuentros profesionales de la industria de xuntes y eventos, nos que se convoca, en distintos destinos europeos, a selectos compradores de xuntes ya incentivos de los principales mercaos d’Europa Occidental y América Llatina para axuntase, establecer relaciones d’enfotu con destacaos provisores y destinos MICE y xenerar oportunidaes de negociu.

Esta edición de los GMF, de dos díes de duración, ta dirixida a Event Managers y Responsables de Marketing, Responsables de Compres d’eventos en grandes empreses propies y multinacionales y a destinos y provisores de tola cadena de valor MICE. Combina sesiones de cites one-to-one preafitaes con un intensu programa social pa favorecer la conexón a nivel personal, xenerar oportunidaes de negociu y dar a conocer los meyores recursos pa eventos del destín anfitrión.

Tierra Ástur Poniente recibe’l premiu SICTED

Tamién en FITUR, la sidrería xixonesa Tierra Ástur Poniente recoyó’l tercer premiu al establecimientu turísticu más competitivu, galardón otorgáu pola Secretaría d’Estáu de Turismu nos XIV edición de los premios SICTED.

La categoría Serviciu SICTED más competitivu reconoz, según les bases publicaes pola mesma Secretaría dependiente del Ministeriu d’Industria, Comerciu y Turismu “el llogru realizáu en materia de competitividá gracies a la meyora continua na calidá operativa nel serviciu turísticu a los sos veceros”.

Visita Xixón sofitó la candidatura y valoró l’esfuerzu d’esta sidrería pola innovación y la calidá. El premiu reconoz la trayectoria de Tierra Ástur nel programa SICTED (Compromisu calidable Turística) y visibiliza l’esfuerzu de les empreses de Xixón por ufiertar productos y servicios de calidá.

Susana Sela

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies