El conflictu vien de va tiempu, cola reiterada denuncia vecinal de la ineficiencia del Puntu Llimpiu del conceyu (ensin horarios y puntos de recoyía afayaizos y correchamente espublizaos) que ta llevando al xorrecimientu de basorieros pirata na fastera
Nesti casu, el basorieru denunciáu ye bien visible, ya que t’asitiáu mesmo na carretera AS-237, nel km 17,300 -a l’altor la curva Sovalle-, en sentíu p’Avilés.
La semeya que s’axunta a la denuncia ye del día 16 de xineru y nella puen vese colchones, una puerte y abondes bolses con apariencia d’escombru, amás de dellos plásticos y cartones.
El denunciante informa de que, dende que se sacó esa semeya fasta que presentó un escritu na Ca Conceyu denunciando los fechos, la cantidá de desfechos apinaos medró y continuará faciéndolo si nun se tomen midíes darréu. La viniente midida a tomar sedrá interponer una denuncia ante SEPRONA pa que se faiga cargu l’asuntu.
Susana Sela
This work is licensed under a Creative Commons Attribution 4.0 International License.
