Un estudiu del Ministeriu Español de Drechos Sociales revela un amenorgamientu del 33,2% na inversión en rentes mínimes n’Asturies de magar l’añu 2020
Namás el 22,5% de la población baxo la llende la probitú n’Asturies percibió una RMI del Principado, un porcentaxe que, salvu nel añu la Pandemia, vien reduciéndoses de magar el 2015. Asina se desprende del Informe de Rentaes Mínimes d’Inserción correspondiente al añu anterior, fechu públicu pol Ministeriu de Drechos Sociales.
De fechu, acordies esti mesmu estudiu, la evolución nel gastu invertíu en rentes mínimes cayó n’Asturies un 33,2% de magar el 2020, recibiendo la prestación un 4,46% menos de persones qu’entos.
Remembremos qu’un de ca cuatro asturianos, un de ca dos menores n’Asturies, tan en situación de nun poder permitise unes condiciones minimamente dignes de vida.
Susana Sela
This work is licensed under a Creative Commons Attribution 4.0 International License.
