La Xunta del Principado manda a los periodistes acreditaos nel Parllamentu Autonómicu axendes n’ochu idiomes, escluyendo l’asturianu

Los periodistes acreditaos pa informar dende’l Parllamentu Asturianu recibieron esti entamu d’añu unes axendes blanques col llogu de la “Junta General del Principado de Asturias“, comu obsequiu pol so llabor. Nes mesmes, los datos de mes y díe apaecen en gallego, catalán, español, euskera, inglés, francés, portugués ya italiano, cuatro llingües oficiales nel estáu español y cuatro que nun lo son, pero qu’al paecer son necesaries pa que los periodistes asturianos pescancien lo escrito. Nes mesmes axendes nun apaez nin una pallabra n’asturianu. 

Llama l’atención qu’un gobiernu que prometió  la oficialidá -seique ya rebaxare les sos espeutatives a “un
gran pacto pola conservación” llingüística- nun seya quien siquier a incluyir el nome de los meses y díes de la selmana n’asturianu nunes axendes, diseñaes a costafecha pa la ocasión y col llogu de la “Junta General del Principado de Asturias“.

Nel Dos Santos

This work is licensed under a Creative Commons Attribution 4.0 International License.