142 semeyes, 70 poemes, 12 relatos y 128 microrrelatos danse cita nesta obra de 256 páxines que les sos imaxes vamos poder ver espuestes de magar l’ochu xineru
El Centru de Creación Escénica Carlos Álvarez Novoa, en La Felguera, acoyerá del 8 al 31 de xineru la esposición de semeyes de Rodrigo NuñezBuj “La indecisa Mar Un paseu llíricu peles playes y la mariña de Llanes” na que, xunto col llibru homónimu, l’autor amuesa la so particular visión del conceyu de Llanes.
La mariña llanisca fotografiada de mil formes estremaes ta nel orixe de”La Indecisa Mar. Un paseu llíricu pulgues playes y la mariña de Llanes”, un llibru y una esposición que traten de la relación del autor cola mariña, coles sableres, colos llugares creaos pola naturaleza que-y remembren más sentimientos.
El llibru recueye una selección de les meyores imaxes de la mariña llanisca, “siguiendo un orde lóxicu d’alcuerdu a la hestoria qu’intento tresmitir”. Les semeyes nun tán en soledá, van acompangaes de poemes, relatos y música, formando un conxuntu que va más allá de la imaxe. 142 fotografíes, 70 poemes, 12 relatos y 128 microrrelatos danse cita nesta obra de 256 páxines. El llibru estrémase’n 9 capítulos, en ca un d’ellos hai un códigu QR que lleva a la web de Rodrigo NuñezBuj, onde podrán atopase toles semeyes coles sos llocalizaciones y datos técnicos, amás d’un cantar pa caúna d’elles.
Susana Sela
This work is licensed under a Creative Commons Attribution 4.0 International License.
