Demientres la concentración de la Plataforma Stop Violencies aportó la noticia d’una asesinada más, redondeando la macabra cifra de muertes a cien
La concentración que, mensualmente, Stop Violencies realiza delantre la Gota Llechi en Xixón comu forma de visualizar la violencia contra les muyeres pol fechu de selo, foi ayeri especialmente sentida. Siendo la cabera l’añu, la cifra de 99 asesinaes rescamplaba terrible pente les lluces de Nadal. Metanes la concentración aportó la noticia, una nueva víctima, redondeando al cien el macabru númberu. Yera la cabera concentración del añu, pero triestimente albidrase que nun sedrá la cabera y que’l caberu miércoles de xineru, col contador reaniciau, sedrá precisa una nueva vindicación de los drechos de les muyeres.
La concentración entamó con un prendíu de veles a la puerte la Gota Llechi, pa pasar darréu a la Plaza L’Humedal onde, tres una intervención na que se reiteró la necesidá de frenar esta masacre, lleéronse los nomes de les asesinaes una a una, cola so edá y orixe, mientres igual númberu de muyeres diben subiendo al improvisáu escenariu col nome de l’asesinada y la so edá, de manera que se visualizare la cantidá de muyeres, d’ente unos meses y 89 años, que foron víctimes esti añu de la violencia machista.
Un minutu de silenciu y un fuerte aplausu remató baxo la lluvia el solemne actu, nel que tamién hebio un recordatoriu pa les muyeres palestines.
Nel Dos Santos
This work is licensed under a Creative Commons Attribution 4.0 International License.
