Tres de 40 años y munchos millones d’euros esperando pola Variante Payares, la recien estrená llinia “d’Alta Velocidá” Madrid-Asturies apina retrasos de pente una y dos hores nos sos viaxes
Cacarexada comu la solución a los problemes de comunicación d’Asturies al retayar nuna hora entera el tiempu de viaxe, publicitada, presumida y bien pagada, la llinia de ferrocarril d’Alta Velocidá -trenes Alvia, non AVE, comu se quiso dexar creyer- lleva tres dies con retrasos de pente una y dos hores.
Décades esperando pola Variante y menos d’un mes duró ensin entamar a dar problemes. Cayíes de tensión, problemes téunicos na conexon de les llocomotores, “incidentes” con otros trenes, desplicaciones nes que les empreses implicaes nun se ponen d’alcuerdu… en resume, tolos díis retrasos de hasta dos hores nun serviciu que se vende comu d’alta velocidá. Pa los que teníen comu destín Xixón, la cosa ye pior: tienen que baxar n’Uviéu, esperar al siguiente tren de cercanies y dir nelli a Xixón. Pa completar el cuadru, los viaxeros quexáronse de la falta de calefación nos trenes.
Alberto Rodríguez
This work is licensed under a Creative Commons Attribution 4.0 International License.
