El Colectivu d’Afectáivos pol proyectu d’esplotación d’una mina d’oru en Salave promovíu por Black Dragon Gold (BDG) al traviés de la so filial Esploraciones Mineres del Cantábricu (EMC), solicitó formalmente una xunta presencial col presidente del Principáu d’Asturies, Adrián Barbón.
Esti Colectivu d’Afectaos pol proyectu mineru de Salave, inclúi a asociaciones sectoriales
y profesionales de la pesca, ganadería, agricultura, turismu y hostelería, esporte activu, asociaciones
vecinales, ecoloxistes y otros, asina comu alcaldes, alcaldeses y otros representantes políticos de la contorna occidental asturiana.
L’envís del conceyamientu col presidente Barbón son fundamentalmente facelu partícipe de les sos  esmoliciones y medranes, lo mesmo que reiterái los descomanaos impactos negativos que dichu proyectu acarretaría sobro les distintes actividaes económiques y sociales y sobro’l mediuambiente de la contorna si esti proyectu fuere autorizáu.
El Coleutivu quier treslladar al presidente  l’apolmonante mayoría social en contra d’esti proyectu y demanda-y sobro l’estáu de la tramitación del espediente d’esti proyectu a nivel autonómicu.
Insisten en que la so pidición d’audiencia nun seya redirixía, comu ye vezu, a otros departamentos o conseyeríes y que seya Barbón quien dea la cara, una bones la gravedá del asuntu xustifica la so implicación.

Alberto Rodríguez

This work is licensed under a Creative Commons Attribution 4.0 International License.